उत्तर प्रदेशात ‘योगी मँगो’, नव्या जातीच्या आंब्याला योगी आदित्यनाथांचं नाव

By: एबीपी माझा वेब टीम | Updated at : 08 May 2017 08:29 AM (IST)

लखनौ: मोदी मँगोनंतर उत्तरप्रदेशात आता ‘योगी मँगो’ तयार झाला आहे. उत्तर प्रदेशातले मँगो मॅन हाजी कलीमुल्ली यांनी त्यांच्या प्रयोगशाळेत नव्या जातीच्या आंब्याचं उत्पादन घेतलं आहे. या आंब्याचं नाव त्यांनी योगी मँगो असं ठेवलं आहे. करेला आणि दशेरी आंब्यांच्या वैशिष्ट्यांनी बनलेला हा आंबा बारीक आणि लांब आहे. ही जात स्वतःच विकसित झाली असून जेव्हा लोकांनी तो पाहिला तेव्हा अनेकांनी त्याला योगी आदित्यनाथांचे नाव देण्याचा सल्ला दिला. त्यानुसार हे नाव देण्यात आलं आहे. कलीमुल्ला यांच्याकडे ऐश्वर्या आणि सचिन तेंडुलकरच्या नावाचेही आंबे आहेत. 74 वर्षीय कलीमुल्लाह यांची आमराई लखनौपासून 30 किमी दूर मलीहाबाद इथं आहे. आतापर्यंत त्यांनी इथं अनेक वेगवेगळ्या आंब्यांची लागवड केली आहे. कलीमुल्लाह हे देशात 'मँगोमॅन' नावानं ओळखले जातात. ते गेल्या 50 वर्षाहून अधिक आंब्यांची शेती करत आहे. तसेच आंब्यांच्या नवनव्या जातींचाही त्यांनी आजपर्यंत शोध लावला आहे. दरम्यान, कलीमुल्लाह यांना पद्मश्री पुरस्कारानंही सन्मानित करण्यात आलं होतं.

Published at : 08 May 2017 08:29 AM (IST) Tags: mango name

उत्तर प्रदेशात ‘योगी मँगो’, नव्या जातीच्या आंब्याला योगी आदित्यनाथांचं नाव

आणखी महत्वाच्या बातम्या

टॉप न्यूज़

बातम्या

Maharashtra

Sports

Marathi News

ABP NEWS GROUP WEBSITES